وايه يعنى

وايه يعنى..
منا انسان ..
وقلبى فى ايدى سلاح..
وسنى صغير ..
وعايش ليالى ملاح ..
وايه يعنى...
منا السفينه وبحارها..
وانا الموجه.. واخطارها ..
وانا الموزون فى كون اخضر ..وكله براح ..
وايه يعنى

ما اسهر انا وخيلى ..
الاغيه ...يلاغينى ..
اطبله يغنيلى ..
يرقصنى اقوم ارقص ..
ويسرح بيا يعدينى ..
وننسا فينا اى جراح

وايه يعنى ماكون ضحكه.
.تجلجل فى صمت اركانى..
تعشش جوا ف خيالى..
وتبنى عشها المهجور ..
بطوب النى ..ابو صنعه شرقيه..
ويطرح خوخى على شجره..
بتوصف فيا عنوانى

وايه يعنى ..
مااطبب ع السماوالارض..
واخدهم جوا احضانى..
واداوى فيهم جروح البرق والزلزال ..
واقول موال على نيل الصبا والنبض ..
واحلامنا المعديه..
تشوفها تقول رايحه..
وهى راجعالنا منديه ..
بعرق ريحته زى الورد فى الميه..
وانسا كل شىء فيا..
مجرد ما اترمى على الارض
تحت صفصافى
سريرى الارض
وغطايا

وايه يعنى
منا برضو ملك نفسى
اكيد هغلط
ولما اغلط
اعاتبنى اهزقنى

محدش بينى وبينى يتدخل
واحرمنى من المصروف
او احبس نفسى فى الشقه
بتاع كام يوم
وارجع تانى اصالحنى
وابوس راسى بحنيه
واقولى
وايه يعنى لما اغلط
ومن وقعاتى هتعلم
فنون المشى
منا انسا